Кансело: Луѓето како мене имаат проблеми на овој свет

Жоао Кансело се уште се наоѓа во период на адаптација во Баерн Минхен, а случувањата во клубот направи во краток временски интервал да остане без тренерот кој всушност беше клучен за неговиот ангажман.

Јулијан Нагелсман заработи отказ, но добра вест за десниот бек е тоа што Томас Тухел е заљубен во неговите квалитети и веќе јавно говореше за тоа дека сериозно ќе смета на фудбалерот кој пристигна од Манчестер Сити.

Кансело имаше проблеми во Манчестер Сити поради својот директен став кон Пеп Гвардиола и фактот што јасно го искажа незадоволството за неиграњето, па говорејќи за својот карактер, Португалецот вели дека на овој свет, неговата природа знае често да се гледа од погрешен агол.

– Јас имам изградено цврст карактер поради тоа што ми се случи на рана возраст. Ја загубив мојата мајка на само 18 години и морав да ги средам работите без неа. Морав да бидам силен и да се изборам да бидам тоа што сум денес.

– Добро знам каков е мојот карактер. Јас сум импулсивен и сентиментален, лесно може да се разберете со мене бидејќи секогаш го кажувам тоа што го мислам. Секогаш сум транспарентен и не заобиколувам ништо. Луѓето како мене имаат потешкотии во овој свет, – вели Кансело.