Каниџа: На Марадона не му требаше дрога за да игра подобро

Клаудио Каниџа и Диего Армандо Марадона беа добри пријатели, асови кои имаа можност да соработуваат заедно, да ја делат соблекувалната, да живеат и споделуваат пријатни и непријатни моменти.

И двајцат низ кариерата, животот имаа контраверзни моменти, потези со кои го привлекуваа вниманието кон себе, па токму за еден од нив говореше Каниџа.

Се работи за ситуацијата од 1994 година кога Марадона падна на допинг тест на СП во 1994 година.

-Беше уништен, успеав да влезам во неговата соба да го гушнам. Неколку, многу малку зборови. Диего плачеше, плачев и јас. Се чувствуваше изневерен, физички беше на врвот, во Бостон тренираше два пати на ден. Го земаше тој производ мислејќи дека е витамини. Да бидам јасен, Диего не требаше да се дрогира за да игра подобро, -рече Каниџа кој откри како дознал за смртта на аргентинскиот бог на фудбалот.

-Дознав за неговата смрт читајќи еден портал. Прво помислив дека се работи за вообичаената гласина, онаа која потоа е демантирана, Диего е болен, тој е во кома, тој е мртов, не, уште не е мртов. Тогаш сфатив дека сето тоа е за жал вистина. Разговаравме два месеци претходно, не сакам да бидам дрзок, но мислам дека бев најблискиот соиграч со него, -истакна Клаудио за „Кориере Дело Спорт“.