Канга испорача „проектил“ во Берн, Звезда се одјави со победа од ЛШ (Видео)

Црвена Звезда го заокружи својот фудбалски пат во Лигата на шампионите со втора победа оваа сезона, а тоа направи српскиот правак да заврши на 29-то место на табелата.

Звезда му одржа фудаблска лекција на Јанг Бојс во Берн и вистинско чудо беше како не оствари поубедлива победа, но на крајот доволно беше ремек-делото на Гелор Канга.

Искусниот играч за врска испорача уште еден „проектил“ од својот шутерски репертоар, а истиот беше доволен за минимална победа од 0:1.

Канга влезе во игра во 65-та минута и неполни 300 секунди подоцна постигна маестрален гол во мрежата на швајцарскиот тим, па со самото тоа ја понесе и улогата на херој на овој натпревар.

За Звезда ова беше втора победа во Европа оваа сезона по онаа над Штутгарт, прва на гостински терен за крај на возбудувањата во Лигата на шампиони.