Канаваро се одјави од Динамо и им испрати искрена порака на сите играчи од првиот тим (Фото)

Авантурата на Фабио Канаваро во хрватскиот фудбал се покажа како лош експеримент на управата на Динамо, која после само 100 дена од назначувањето на италијанскиот стручњак, реши да ја прекине соработката и да ја заврши сезоната со друг тренер.

Легендарниот стопер не успеа да предизвика очекуван позитивен шок во редовите на тимот за кој играат и Адеми и Ристовски, па по вестите за негово заминување, сега тој почувствува потреба да се обрати до сите во клубот, вклучувајќи ги и играчите и навивачите.

– Како што знаат многумина од вас, донесовме заедничка одлука за прекин на соработката со Динамо. Последните три ипол месеци беа исполнети со напорна работа, долги денови, посветеност и упорност. Дадовме се од себе за да анализираме, за да осмислиме стратегија и со знаење и вештини да го покренеме тимот.

– Смислените и трајни промени во фудбалот, бараат повеќе време. За да биде успешен било кој тим, мора да се постави јасен пат без чести промени. Во фудбалот не постои тајна за успехот, а како некој кој беше почестен да биде дел од врвниот фудбал, имам порака за своите играчи:

– Морате напорно да работите, да се појавувате секој ден, без оглед на се и да ги играте сите натпревари со иста важност. Исто така, треба да бидете горди на дресот кој го носите. Начинот на кој се однесувате на тренинзите и на теренот, како и начинот на кој ве доживуваат ривалите, на крајот ќе диктираат во која насока ќе оди вашата кариера. На управата, колегите, играчите и навивачите на Динамо, им благодарам што ми овозможија да бидам дел од семејството на клубот! Ви посакувам се најдобро, – гласи објавата на Канаваро.

View this post on Instagram

A post shared by 🇮🇹Fabio Cannavaro 🇮🇹 (@fabiocannavaroofficial)