Канаваро останал воодушевен од еден играч на „Ел Класико“ пресметката меѓу легендите: Може да игра во актуелната ЛШ

Реал Мадрид и Барселона одиграа хуманитарна „Ел Класико“ пресметка пред две недели, а во главен фокус беа поранешни ѕвезди кои се вистински легенди на фудбалската игра.

Роналдињо, Давид Вилја, Ривалдо, Де Бур, Мендиета, Сидорф, Канаваро беа само дел од легендите кои настапија на овој меч, но овој последниот е прв кој направи мала анализа за виденото на теренот.

Во прв момент, вистински хит стана голот од слободен удар кој го постигна Роналдињо, но Канаваро открива дека посебно воодушевен останал од Кларенс Сидорф.

– Играв многу малку на натпреварот на легендите, коленото ми прави огромни проблеми. Издржав 20 минути, а посебно воодушевен останав од Сидорф.

– Тој се чува како порано и изгледа импресивно. Го гледаш и си велиш: Овој може да игра во актуелната Лига на шампиони, ако не повеќе, барем 20 минути, – вели Канаваро.