Канаваро доби „црвен картон“ од Динамо, Ристовски и Адеми добија нов тренер

Италијанскиот фудбалски стручњак Фабио Канаваро од денеска и официјално не е тренер на најдобриот хрватски клуб Динамо Загреб.

Канаваро изненадувачки беше назначен за предводник за Динамо пред неколку месеци, потег, експеримент кој на Динамо не му ги донесе посакуваните резултати со оглед на тоа што екипата беше елиминирана од Купот, а во моментов е многу далеку и од одбрана на лигашата титула, поточно за тоа ќе му биде потребно чудо во последните осум рунди.

Фабио го водеше Динамо нешто повеќе од три месеци и тоа на 14 натпреварувачки и 3 пријателски натпревари.

Во продолжението од сезоната функцијата прв тренер ќе ја извршува Сандро Перковиќ.