Кан за можниот трансфер на Кејн во Баерн: Тој е многу добар играч…

Баерн Минхен не донесе директна, соодветна замена за Роберт Левандовски кој минатово лето се пресели во редовите на Барселона.

Најдобриот германски клуб го ангажираше Садио Мане, потоа младиот Матис Тел, ама тоа не се играчи кои можат да го пополнат тој недостаток на голови, поточно да го испорачаат она што Полјакот со години го правеше на „Алијанц Арена“.

Поради ова бундеслигашот размислува за доведување на напаѓач од висока класа, а една од опциите е Хари Кејн од Тотенхем. Кејн се поврзуваше со Баерн и претходно, па таа приказна, врева продолжува и сега.

-Кејн е многу добар играч, но има и други добри играчи. Имаме работа со многу играчи. Не е во ред да се зборува за играчи кои се под договор со други клубови, -истакна извршниот директор на Баерн, Оливер Кан за „Скај Германија“.

Кејн е под договор со Тотенхем до 2024 година.