Поврзете се со нас

Германија

Кан го демантираше првиот човек на Баерн: Не е точно дека сум реагирал на таков начин

Објавено

на

Foto:twitter.com/FCBayern

Оливер Кан и натаму негодува поради начинот на кој заработи отказ од Баерн Минхен и фактот што не доби можност ниту да ја прослави титулата со фудбалерите, а со најновата изјава го демантирал претседателот на клубот.

Херберт Хајнер ги информирал германските медиуми дека Кан збеснал кога телефонски му соопштил дека ќе ја загуби директорската функција, што било и причина да не биде повикан да патува со тимот на гостувањето во Келн.

– Тврдењата дека сум полудел кога ја добив информацијата за отказот не се точни.

– Хајнер ме контактираше во петокот и ми ја соопшти веста, тоа беше мирен разговор базиран на факти. Само прашував зошто е донесена одлуката.

– Во саботата наутро добив порака дека нема да можам да присуствувам на натпреварот, мирно ја прифатив одлуката, иако факт е дека бев разочаран, – напишал Кан на Твитер.

Покрај Кан, отказ заработи и спортскиот директор Хасан Салихамиџиќ, иако Баерн успеа да ја одбрани титулата во драматичното последно коло во германската Бундеслига.

Реклама
Реклама
Реклама

Популарни