Кампос: Не криеме, сакаме да го задржиме Меси во ПСЖ

Лионел Меси влезе во последната фаза од актуелниот договор со францускиот шампион Пари Сен Жермен, тим во кој ја игра втората сезона по доаѓањето од Барселона.

Офанзивецот е одличен во актуелнава кампања каде си го пронајде своето место, па диригира, дава голови, асистира, поточно игра на високо ниво и поради тоа клубот сака да го задржи и по месец јуни. Иако имаше најави дека се е договорено и само прашање е на време кога ќе биде објавена новата соработка тоа не е баш така, меѓутоа двете страни работат на тоа да постигнат согласнос за да се затвори оваа операција.

-Во моментот, ние сме во преговори со Меси за продолжување на договорот. Јас би сакал да го задржам во овој проект, тоа не можам да го сокријам. Зборуваме во моментот да ја постигнеме оваа цел и да продолжиме да го имаме со нас, -порача главниот оперативец на „светците“, Луис Кампос.

Меси во дресот на ПСЖ има учинок од 26 гола и 28 асистенции на вкупно 57 натпревари.