Кампацо погоди тројка за продолжение, Реал го доби евролигашкото „Ел Класико“ (Видео)

Барселона и Реал Мадрид ги оправдаа очекувањата на кошаркарските фанови и испорачаа возбудливо „Ел Класико“ во Евролигата, на кое на крајот се радуваа гостите (90:97).

Во завршницата се чинеше дека Барселона е поблиску до триумф, но Реал не само што не се предаде, туку успеа да извлече продолжение со тројката на Кампацо на нешто повеќе од една секунда до крајот на натпреварот.

¡Hielo en las venas para Campazzo y el clásico se va a suplementario!
pic.twitter.com/d9Av8tTAwI

— basquetplus (@basquetplus) November 28, 2024

Двете екипи одиграа не пет, туку десет дополнителни минути, а „кралскиот клуб“ беше поуспешен во второто продолжение и на крајот стигна до солидна позитива.

Пантер со 27 и Весели со 20 поени беа најдобри поединци кај Барса, а во редовите на Реал се истакнаа Таварес со 24 и Хезоња со 23 поени.

Со денешната победа, Реал стигна до ефект 6-6, додека Барса има една победа повеќе во Евролигата.