„Камп Ноу“ оди во историјата, Барселона ќе има ново име на стадионот од следната сезона

И повеќе од јасно беше дека Барселона се соочуваше со големи финансиски проблеми пред Жоан Лапорта да се врати во клубот, а како што стојат работите сега ситуацијата полека се смирува.

„Каталонците“ почнаа да ангажираат нови играчи и со тоа покажаа дека кризната ситуација е минато.

Сепак, за да можат уште повеќе да „застанат на ноѕе“ од клубот планираат да го променат името на стадионот со што во иднина би заработиле дополнителни пари од спонзорите кои би го користеле ексклузивното право на името на храмот на Барселона.

Според шпанските медиуми, Лапорта бил премногу блиску до договор со шведската компанија „Спотифај“ која веројатно ќе биде нов главен спонзор на клубот.

„Спотифај“ ќе инкасира околу 70 милиони евра во Барселона, а постои опција да го откупи името на стадионот и да вложи дополнителни пари во касата на клубот.

Според најавите, „Камп Ноу“ би можел да замине во историјата, а новото име на стадионот да биде „Спотифај Камп Ноу“ или „Камп Ноу Спотифај“.