Камавинга за потегот на Мбапе: Реал е совршен клуб за него…

Килијан Мбапе ја заврши приказната со Пари Сен Жермен, а како слободен играч за нова фудбалска дестинација ја одбра Шпанија и тоа Реал Мадрид.

Долго време се „крчаше“ овој трансфер, низ годините имаше многу вести, информации, ама исто така секогаш се наоѓаше одредена причина да се не реализира тој премин на „Сантијаго Бернабеу“ за да сега конечно коцките се наместат и Французинот го оствари својот сон.

Едуардо Камавинга веќе некое време игра за „кралевите“, па од свој агол посочи зошто овој потег на сонародникот е логичен и исправен.

-Тоа е следниот логичен чекор во кариерата на Килијан: Реал Мадрид е клубот што му требаше по ПСЖ, би можел да му помогне со неговите лични цели. Исто така на колективно ниво, затоа што сака да ја освои Лигата на шампионите. Затоа мислам дека Реал Мадрид е совршен клуб, -смета Камавинга.

Напаѓачот потпиша петгодишен договор со актуелниот шпански европски шампион.