Калулу размислуваше долго, на крајот сепак ја прифатил понудата на Јувентус

Јувентус невообичаено долго чекаше одговор од Пјер Калулу и на крајот дефанзивецот на Милан му соопштил на клубот дека ја прифаќа понудата на „бјанконерите“.

Калулу треба да биде засилување во одбраната за новиот тренер Тиаго Мота, a доби простор од неколку дена за да донесе одлука и на крајот вечерва потврдил дека прифаќа заем во редовите на Јувентус.

Мота имал разговор со фудбалерот во кој наводно не можел да му вети дека ќе биде стартер, но дефинитивно ќе добие шанса во ротацијата бидејќи може да игра и како бек и како стопер.

Во трката за Французинот од завчера се вклучи и Аталанта, но Јувентус сепак е приоритет за Калулу, кој ќе го замени Милано со Торино.

Калулу не беше вклучен во составот за првото коло против Торино, со што му беше ставено до знаење дека мора да си најде нова средина.