Калафиори веќе ја пее омилената песна на „Емирејтс“, фановите не го кријат задоволството (Видео)

Арсенал не потроши многу пари на трансфер пазарот ова лето и придодаде само двајца играчи во првиот тим, Рикардо Калафиори од Болоња и Микел Мерино од Реал Сосиедад.

Последното засилување од Шпанија ќе мора да почека за своето деби поради тоа што заработи фрактура на рамото уште на првиот тренинг, додека Калафиори веќе искуси како да е да се игра во Премиер лигата, двапати влегувајќи од клупата за резерви.

Италијанскиот репрезентативец доби минутажа и изминатиов викенд против Брајтон, но за фановите на Арсенал тој стана посебно интересен дури денеска.

Причина за тоа е видеото кое го сподели „Оптус Спорт“, а на кое се гледа како Калафиори веќе ги прифатил сите вредности кои се бараат во Северен Лондон.

Пред стартот на мечот, Калафиори е уловен како ја пее позната песна за Северен Лондон во глас со навивачите на Арсенал, па ова видео дефинитивно ќе му донесе уште повеќе фанови на „Емирејтс“.

Arsenal fans will see Riccardo Calafiori singing 'North London Forever' and just say, 'hell yeah' 👍🔴

The Italian is feeling right at home at the Emirates. pic.twitter.com/Dq50Gkt7n2

— Optus Sport (@OptusSport) September 4, 2024