Поврзете се со нас

Италија

Калабрија си замина од Милан со солзи во очите: Ова е како развод со сопругата (Видео)

Објавено

на

Foto:twitter.com/acmilan

Милан отвори простор за ангажман на Сантијаго Хименез кој доаѓа како големо засилување од Феенорд, но покрај продажбата на Алваро Мората, клубот од „Сан Сиро“ реши да се ослободи и од досегашниот капитен.

Давиде Калабрија минатиот викенд за малку ќе се истепаше со тренерот Сержо Консеисао и тоа беше јасен сигнал дека има големи несогласувања меѓу нив, па иако од клубот првично ја смируваа ситуацијата, неговото најавено заминување јасно покажува дека атмосферата меѓу двајцата не е воопшто идеална.

После 18 години минати во клубот, Калабрија со солзи во очите го напуштил Миланело центарот за последен пат како играч на првиот тим, а тоа го потврдил и самиот тој за присутните новинари во тренинг базата.

– Ова е многу тешко за мене, ќе ми недостасува се околу клубот, се она што го искусив тука. Засекогаш ќе ги носам со себе сите спомени, благодарен сум за се она што го искусив во Милан.

– Последните денови беа многу тешки за мене, исто како да се разделив со сопругата. Ова е како развод. Сега ќе отворам ново поглавје и на сите во Милан им посакувам само најдобро, – изјавил Калабрија кој веќе има договорено трансфер во Болоња.

Advertisement
Advertisement

Италија

Advertisement

Популарни