Каква трка: Хол со неверојатен финиш го „украде“ златото на 400 метри (ВИДЕО)

Атлетските дисциплини секогаш носат инспирација, големи возбудувања особено на најголемата сцена, а тоа се Олимписките Игри како што се овие во Франција.

Токму на трката на 400 метри во машка конкуренција видовме вистински спектакл и победник кој никој не го очекуваше ако се погледне како се одвиваше самото финале. Имено Квинси Хол имаше неверојатна завршница, пеколен финиш со кој успеа да го освои златото со четврто најдобро време во историјата.

Американецот доста заостануваше зад конкурентите, ама уфрли во брзина која му овозможи во фото финиш да дојде до првата позиција со време од 43.40 секунди.

Втората позиција и сребрениот медал заврши кај Метју Хадсон Смит, додека бронзен беше Музала Самуконга од Замбија.