Каков старт на сезоната во Шпанија: Дебитантот Лејма Коруња го шокираше Реал со 3+1 на секунда до крајот (ВИДЕО)

Денеска беше историски ден за составот на Лејма Коруња кој дебитираше во најсилната шпанска кошаркарска лига и тоа против актулениот шампион Реал Мадрид, ден кој стана уште поголем и со големи букви ќе биде запишан во историјата затоа што аутсајдерот успеа да го шокира фаворитот во луда завршница.

Домаќините постојано беа конкурентни и се влезе во драма во која Јунио Баруета погоди тројка под прекршок на Џанан Муса, поточно дојде до 3+1 на една секунда до крајот и водство на неговиот тим од 86:85.

„Кралевите“ го имаа завршниот напад, Љуљ испрати удар по кој топката се тркалаше на обрачот, ама не влезе за ерупција на домашните навивачи.