Поврзете се со нас

АТП

Каков борец: Мари спаси меч топка, па го урна еден од фаворитите за пехарот во Мелбурн (ВИДЕО)

Објавено

на

Денешната програма на Австралија Опен не оди според планот и причината за тоа се временските услови, но некои мечеви веќе се одиграа и најголемото изненадување го направи некогашниот светски рекет број еден Енди Мари.

Мари и покрај сите проблеми со повредите продолжи да игра тенис, продолжува максимално да се бори и потврда за тоа е и дуелот со Матео Беретини кој успеа да го добие по пет часа игра на „Род Лејвер Арена“. Беретини кој лани играше во полуфиналето на овој турнир беше апсолутен фаворит на хартија, меѓутоа Шкотот покажа зошто никогаш не смее да се отпишува и успеа со 6:3, 6:3, 4:6, 6:7 (7), 7:6 (6) да дојде до најголемата победа на грен слем сцената од 2017 година.

Имено тој од 2017 година немаше триумф над Топ 20 тенисер на најголемите четири турнири, ама тоа се промени денеска со славјето кое воедно беше него 50 на АО. Истото е уште позначајно ако се знае дека спаси меч топка во 10 гејм на решавачкиот сет.

Нареден противник ќе му биде подобриот од пресметката Кокинакис-Фоњини.

Реклама
Реклама
Реклама

Популарни