Како ќе изгледаше табелата: Реал ќе ја одбранеше титулата во Ла Лига ако не постоеше ВАР (Фото)

ВАР е дел од светскиот фудбал веќе пет години и оваа технологија го промени текот на натпреварите во сите најважни првенства во Европа, но анализата покажува дека го менува и текот на цел шампионат.

Анализата која ја направи угледниот шпански медиум „АС“ вели дека шпанската Ла Лига ќе имаше друг шампион оваа сезона доколку не постоеше ВАР системот, бидејќи Реал Мадрид би бил на првото место без интервенцијата на луѓето од ВАР собата.

Барселона освои 88 поени и сосема заслужено се врати на тронот во Примера после четири години, но да не бил ВАР системот, тимот на Чави ќе имал дури шест помалку и не би бил нов шампион.

Оваа сезона, ВАР системот се активирал во 38-те рунди дури во 179 наврати, а најмногу прекини на играта имало на натпервари кои ги одиграл Реал Мадрид, вкупно 25.

Токму ова направи Реал да остане без шест бода, кои всушност тимот на Карло Анчелоти ќе ги впишеше да немаше интервенција од судиите и да не била преправана првичната одлука. Во таква ситуација, Реал ќе имаше 84 бода и ќе ја одбранеше титулата во Ла Лига.

Според целосната анализа од ВАР интервенциите, големи промени не би имало во борбата за опстанок, па од елитата и без технологијата би испаднале Елче, Еспањол и Валјадолид.

💥 Así habría quedado LaLiga sin VAR

🏆 ¡El Real Madrid hubiera sido campeón!

👉 Récord de intervenciones del videoarbitraje en una temporada pic.twitter.com/Xg3y8hIW7T

— Diario AS (@diarioas) June 7, 2023