Кака за својот поранешен тим: Ако Милан продолжи да игра како на дербито…

Милан ги воодушеви своите навивачи со изданието и победата на градското дерби со Интер, а легендарниот Рикардо Кака вели дека екипата има материјал да се бори за титулата.

Иако Интер останува главен фаворит за скудетото, Милан успеа да го поправи впечатокот на градското дерби и покажа дека може да биде претендент за освојување трофеи сезонава.

– Победата против Интер беше најдобар можен начин да се испрати позитивен сигнал по она што се случи на дуелот со Ливерпул.

– Ако Милан продолжи да игра како на дербито, има сериозни шанси да се бори за титулата. Видовме поинаков тим, екипа со поинаков менталитет и борбеност на теренот, – рекол Кака.

Бразилецот истакнал дека стрелецот на голот за победа, Матео Габија треба да добие шанса и во националниот тим.

– Мислам дека Габија е подготвен за настап во националниот тим, заслужи да биде уште еден „росонеро“ во синиот дрес на „азурите“, – истакнал поранешниот играч на Милан.