Кака го избра најважниот момент од престојот во Реал: Можеби ќе звучи чудно…

Рикардо Кака ги доживеа најдобрите моменти од фудбалската кариера во дресот на Милан, а не успеа да го повтори ефектот во Реал Мадрид, кој го доведе како скапо и големо засилување на „Сантијаго Бернабеу“.

Бразилецот имаше помалку успешен престој во шпанскиот великан, но сепак и во последното интервју за „Марка“ потенцира дека останал во добри односи со Флорентино Перез и сите во клубот.

Кака избрал интересен детаљ како најважен момент од неговата етапа во Реал.

– Можеби ќе звучи чудно, но би го избрал денот кога беше потврдено дека ќе го напуштам клубот.

– Зборував со Флорентино и тој ми посочи дека во мене видел голем професионалец, кој направил се што може за да му помогне на тимот, но дека повредите и помалата минутажа не дозволиле да успеам.

– Тоа беше големо задоволство за мене бидејќи чувствував дека вратите на клубот ми се отворени и затоа никогаш нема да зборувам лошо за Реал и Жозе Мурињо. Имав срдечна средба со Перез на последното финале на ЛШ во Париз, – изјавил Кака.