Кака ги критикува сонародниците за Роналдо: Не го почитуваат, го гледаат како дебел човек кој оди по улица

Луис Назарио Де Лима Роналдо или попознат само како Роналдо е еден од асовите кој и има донесено многу радост на бразилската нација, човек кој со своите голови, знаење, умешност има помогнато да се освојат по два пехари на Светските првенства (1994, 2002) и две титули на Копа Америка (1997, 1999).

Меѓутоа без разлика на ова и се што има постигнато во кариерата, тој не е доволно почитуван во својата земја, односно надвор добива многу поголемо признание.

Ова го тврди Кака кој за „Беин Спортс“ беше директен и порача:

-Чудно е да се каже ова, но многу Бразилци не навиваат за Бразил. Тоа се случува понекогаш. Ако го видите Роналдо како шета овде, ќе видите „Вау“, тој има нешто поразлично овде. Во Бразил, тој е само дебел човек кој оди по улица. Се разбира многу Бразилци го сакаат Роналдо, јас го сакам Роналдо, но начинот на кој го почитуваат во Бразил и во странство е различен, јас гледам повеќе почит кон него надвор од земјата отколку таму, -порача некогашнната ѕвезда на Милан и Реал Мадрид.