Каиседо не се појавил на тренинг, Арсенал и Челси на готовс

Моисес Каиседо веројатно ќе биде топ трансфер тема на Островот до крајот на јануарскиот преоден рок кој завршува за три дена.

Фудбалерот од средниот ред со своите игри го привлече вниманието на неколку големи премиерлигаши, а најконкретни за неговиот потпис биле Арсенал и Челси.

И двата тима доставиле понуди до Брајтон, Челси од 55 милиони фунти, која веднаш била одбиена, и Арсенал од 60 милиони фунти која исто така била одбиена.

Сега, фудбалерот кој инсистирал да си замине од клубот не се појавил на денешниот тренинг во знак на протест што клубот одбил така добри понуди за него. Желбата на Каиседо била да направи трансфер во некој голем тим од Премиер лигата.

Се очекува до крајот на преодниот рок, Арсенал да достави нова подобрена понуда која тимот од „Емирејтс“ ќе го стави во пол позиција за ангажман на одличниот Каиседо.