Каиринен изеде магија од слободен удар во ЛШ, сензационалниот Брест го уништи Салцбург (Видео)

Спарта Прага и Брест се најголеми изненадувања на стартот на новата сезона во Лигата на шампионите, а тоа го потврдија и со резултатите во второто коло.

Чешкиот претставник во првата рунда го надигра Ред Бул Салцбург и славеше со 3:0, но вечерва мина непоразен и на тешкото гостување во Штутгарт.

Бундеслигашиот поведе со голот на Милјо во 7-та минута, но во првото полувреме видовме уште еден гол, и тоа не било каков. Чешкиот тим се врати во игра и успеа да израмни на 1:1, а херој за гостите беше Каиринен кој изведе магија од слободен удар.

Финецот испрати теледиригиран удар во горниот агол од голот и не му даде никаква шанса на голманот, кој со својата парада само го разубаве ова фудбалско ремек-дело.

И покрај тоа што после овој момент имаше за игра уште еден час, резултатот не се менуваше и натпреварот заврши 1:1.

На втората пресметка од 18:45 часот, сензационалниот Брест продолжи да решета во Лигата на шампиони, па така денеска го понижи Ред Бул Салцбург на негов терен со 0:4. Сима беше стрелец на првиот гол во првото полувреме, во второто погоди уште еднаш, а во овој дел до израз дојдоа и Камара и Переира Лаге.

Ремек-делото од слободен удар погледнете го ТУКА

Головите од Салцбург – Брест погледнете ги ТУКА