Кадетско ЕП во Скопје: Македонија го претрпе првиот пораз, сега мора да брка победа против Австрија

Македонската кадетска репрезнтација до 16 години запиша две стартни победи на турнирот во Скопје, но за да се пласира воо четвртфналето на Европското првенство од Б дивизијата, сега ќе мора да слави над Австрија.

Кошаркарите до 16 години денеска го претрпеа првиот пораз и беа надиграни од врсниците од Естонија, кои повеќе од заслужено славеа со двоцифрена предност.

Македонија загуби со 57:76 и си ги закомпликува работите во својата група, бидејќи сега кадетите ќе мора да бркаат победа против Австрија по секоја цена.

Цветковски со 11 поени беше најефикасен кошаркар во нашиот табор, а двоцифрен ефект имаше уште Ефтимовски кои запиша точно 10 поени.

Незадржлив за нашиот кадетски тим беше Стен Адамсон, кој натпреварот го заврши со 23 поени и 7 скокови.