Јужноамериканците бараат СП со 64 учесници во 2030 година

Светското првенство во 2026 година ќе се игра во проширен формат и со 48 репрезентации, но јужноамерикански КОНМЕБОЛ бара дополнително зголемување за мундијалот четири години подоцна.

Јужноамериканската конфедерација бара промени во форматот кои би го надополниле и специфичниот избор на кодомаќини, кој вклучува шест земји.

Аргентина, Парагвај и Уругвај ќе организираат по еден натпревар на почетокот за да се одбележи стогодишната од првиот мундијал одржан во Уругвај, за реални домаќини подоцна да бидат Шпанија, Португалија и Мароко.

Претходно, идејата прв ја промовираше првиот човек на Уругвајската фудбалска федерација, ФИФА најави дека ќе ја разгледа, а УЕФА негодуваше преку претседателот Александер Чеферин кој ја нарече „лоша идеја“.

– Ова ќе им овозможи на сите репрезентации да се борат за неверојатното искуство, па никој на планетата нема да чувствува дека не добил шанса да биде дел од главната забава. Прославата на стогодишнината ќе биде уникатна бидејќи тоа е редок момент во историјата, – рекол првиот човек на КОНМЕБОЛ, Алехандро Домингез.