Јувентус знае што треба да направи за да го добие потписот на Копмајнерс

Јувентус има јасно поставени цели во овој актуелен летен преоден рок и засега успеваше да дојде до играчите кои ги посакуваше, но во самата завршница има проблеми, па така на пример дефанзивецот Жан-Клер Тодибо наместо во Торино заврши во Лондон во таборот на Вест Хем.

Меѓутоа „старата дама“ има друг приоритет, фокус и затоа можеби не тргне со сите сили кон Французинот, поточно целта е да се донесе Теун Копмајнерс од Атланта.

Холанѓанецот исто така има голема желба да заврши во Јуве и дури влезе во конфликт со клубот, се направи одредена тензија што секако е ситуација која никој не ја посакува. Токму поради ова двата клуба имале позитивен состанок и според „Спортиталија“ поранешниот италијански првак добил јасна порака, инструкции што треба да понуди за да се заврши трансфер сагата.

Преговорите можат да напредуваат, но Јувентус ќе мора мора да ја подигне својата понуда над 50 милиони евра плус 5 милиони евра додатоци, приближувајќи ја до бараната цена од 60 милиони евра, вклучувајќи бонуси.

Ако ова се случи Аталанта ќе каже „ДА“ и потоа дел од парите ќе ги инвестира за ангажман на Мет О’Рајли од Селтик.