Јувентус закажа прегледи и ден за потврда за Копмајнерс

Раководството на Јувентус летово преговараше долго за неколку засилувања, но најдолго траеше трансфер сагата со Теун Компајнерс, кој досега настапуваше за Аталанта.

Клубот од Бергамо до последно не сакаше да се откаже од холандскиот фудбалер, но Копмајнерс инсистирал на преселба во Торино, па денеска двете страни пронашле заеднички јазик за реализација на трансферот.

Сега остануваат формалните лекарски прегледи, по што ќе биде потврдено и засилувањето, а фановите на Јувентус ќе имаат можност да се уверат во пристигнувањето на новото име уште утре.

Јувентус закажал прегледи во својот медицински центар за Копмајнерс во утринските часови, па се чини дека тој ќе има можност да одработи неколку тренинзи и да биде во комбинација за следниот натпревар на Јувентус.

Во неколку дена Јуве веќе ги потврди Нико Гонзалес и Франсиско Консеисао и тие веќе се концентирани на обврските во новата средина, а од утре ќе им се приклучи и Копмајнерс. Ако нема големи изненадувања, италијанскиот тим до крајот на преодниот рок би можел да го обезбеди уште само потписот на Џејдон Санчо.