Јувентус во најтешките моменти се пофали со продолжување на договорот со „најважниот“ играч

Навивачите на Јувентус се уште не можат да се соземат од последната казна која ја доби италијанскиот клуб и поради која веројатно ќе остане без пласман во Лигата на шампионите, а неодамна мораа да испратат и убедлив пораз од аутсајдерот Емполи.

Додека голем дел од нив бара смена на Макс Алегри, но и промени во составот, Јувентус реши да се пофали со продолжувањето на соработката со Карло Пинзолјо.

Ако некој не знае за кого се работи, тоа е третиот голман на Јувентус изминатите години и човекот кој ретко добива шанса да застане на голот, имајќи предвид дека пред себе ги има Шчесни и Перин.

Но, Јувентус денеска со голема помпа го објави новиот договор на Пинзолјо, а тој ќе остане во Јувентус барем до 2025 година.

Навивачите знаат дека потписот на третиот голман има посебно значење и димензија за клубот, бидејќи тој се наметна како вистински јувентино со неговиот карактер и харизма, а Пинзолјо е производ на младинската академија на торинскиот клуб и е дел од првиот тим уште од 2017 година.

Pinso 2️⃣0️⃣2️⃣5️⃣ ⚪️⚫️ pic.twitter.com/dZ2yTud8bF

— JuventusFC (@juventusfc) May 25, 2023