Јувентус веќе ги започнал преговорите за враќање на Погба

Француските медиуми тврдат дека Јувентус веќе ги започнал преговорите со Мино Раиола за враќање на Пол Погба во своите редови.

Членот на Манчестер Јунајтед првпат се пресели во Торино во 2012 година без отштета, за потоа Јувентус да го испрати на „Олд Трафорд“ во трансфер од кој заработи 105 милиони евра.

Информацијата првично ја објави „le10sport.com“, медиум според кој Јувентус е најблиску до Погба бидејќи е подготвен да плати сериозна сума за Французинот, а затоа се започнати преговорите со неговиот агент Раиола.

Јувентус може да остане без Пјаниќ и Рабио во текот на ова лето, па јасно е дека ќе инвестира во засилување во средниот ред, а Погба би бил идеална аквизиција и за стилот на фудбал кој го преферира тренерот Маурицио Сари.

Во својот прв престој во Италија, Погба забележа 178 настапи, постигнувајќи 34 голови и реализирајќи 40 асистенции.