Поврзете се со нас

Италија

Јувентус убедлив против Сампдорија за место во четвртфиналето на Копа Италија (Видео)

Објавено

на

Фото: twitter.com/juventusfc

Јувентус се пласираше во четвртфиналето на италијанскиот куп и тоа по триумфот над Сампдорија со резултат 4:1.

Домаќините немаа големи проблеми против тимот од Џенова кој е во фаза и на промена на тренери по заминувањето на Д’Аверса, а „бјанконерите“ доминираа уште од почетокот, иако во првиот дел постигнаа само еден гол.

Резултатот го отвори Куадрадо од слободен удар во 25. минута, за две минути подоцна да му биде поништен гол на Мората по активирање на ВАР собата.

Ругани во 52. минута зголеми на 2:0, а неизвесноста барем на кратко ја врати Конти со својот прв гол за Сампдорија. Сепак неколку минути подоцна Локатели ја искористи грешката на одбраната на гостите, а реализираше Дибала, најавувајќи ја сигурната победа.

Резервистот Аке избори пенал, кој Мората го претвори во конечни 4:1 на „Алијанц“ во Торино, со што Јувентус ќе го чека противникот во четвртфиналето од подобриот од дуелот меѓу Сасуоло и Калјари.

Реклама
Реклама
Реклама

Популарни