Јувентус тргнал во офанзива по уште еден дефанзивец на Милан

Јувентус и Милан уште во јануари можат да договорат уште еден трансфер и повторно за фудбалер од одбраната.

По пристигнувањето на Пјер Калулу во летниот преоден рок, во јануари истото може да се случи со Фикајо Томори, кој веќе не е во плановите на Пауло Фонсека.

„Газета дело Спорт“ тврди дека Милан го ставил англискиот интернационалец на трансфер листата, но не планира да му дава попуст на ривалот и ќе очекува околу 25 милиони евра за дефанзивецот.

Јувентус посакува да го реши овој трансфер по Супер куп натпреварите планирани за почетокот на годината, а тренерот Тиаго Мота веќе го одобрил ангажирањето на Томори, пред се поради фактот што веднаш може да почне со вклопување на својот нов фудбалер во одбранбената формација на „бјанконерите“.

Продажбата на Артур и евентуалното заминување на Данило ќе имаат позитивен финансиски ефект во торинскиот состав, па тоа ќе помогне за полесно носење одлука околу договорот за Томори, кој првично може да дојде и на заем.