Јувентус со осум младинци во составот за тешкото гостување во Верона

Во периодот кога Јувентус има густ распоред на натпревари на повеќе фронтови, се соочува и со многу проблеми поради отсуството на важни фудбалери поради повреди и други проблеми.

Утре „бјанконерите“ гостуваат во Верона кај една од најнезгодните екипи и оваа сезона во Серија А, а тренерот Андреа Пирло има сериозни дилеми во однос на одлуките околу составот.

Мората отпадна поради вирус, Дибала, Куадрадо, Бонучи и Кјелини се повредени, додека Данило е суспендиран, па тоа е и главната причина што Пирло повика дури осум членови на У23 тимот на Јувентус.

Покрај Фаџоли и Ди Пардо кои добија минутажа и претходното коло, повикани се и Рафија, Капелини, Петерс, Аке и Алехандро Маркес, додека Драгушин веројатно ќе го замени Данило во почетниот состав.

Натпреварот Верона-Јувентус утре започнува од 20:45 часот.