Јувентус пред значаен потпис: Нов договор за играчот по кој притиска Манчестер Јунајтед

Од таборот на Јувентус се  пред конечен договор за продолжување на соработката со нивниот играч од одбраната, Матијс Де Лихт.

Во последно време холандскиот стопер се појави како можна опција за тимот на Манчестер Јунајтед каде на клупата ќе седне поранешниот тренер на Де Лихт од Ајакс, Ерик Тен Хаг.

Актуелниот договор на стоперот со Јувентус има важност до 2024 година, но од клубот од Торино сакаат да го зачуваат фудбалерот уште подолго.

Како што стојат работите, тоа и ќе се случи и играчот ќе добие нов договор, но со важна промена во истиот.

Имено, неговата откупна клаузула нема да биде 120 милиони евра, како што тоа е случај сега туку истата ќе биде значително намалена, па фудбалерот во секој случеј би можел да си оди од клубот доколку пристигне примамлива понуда.