Јувентус прецртал двајца фудбалери кои ќе заминат во јуни

Во периодот кога Јувентус се обидува да ја реши актуелната резултатска криза и има проблем со многу повредени играчи, размислува и за наредните сезони и промените во ростерот.

Денеска италијанските медиуми пренесоа дека раководството веќе донело одлука за разделба со двајца искусни фудбалери, за кои нема да биде понуден нов договор.

Се работи за Алекс Сандро и Хуан Куадрадо, кои во јуни ќе треба да си бараат нова средина за да ја продолжат кариерата.

Јувентус мора да ги намали трошоците за плати поради финансиските загуби од изминатите години, а само Сандро заработува 6 милиони евра по сезона, иако е далеку од нивото на кое настапуваше на почетокот на престојот во Торино.

Бразилецот дојде од Порто во 2015 година, исто како и Куадрадо кој првично беше позајмен, па откупен од Челси.