Јувентус победи на крилја на Влаховиќ кој стигна до импресивни бројки

Јувентус славеше нов убедлив триумф во Серија А. Во второто коло многу полесно од очекувањата беше поразена Верона со 3:0.

Влаховиќ постигна два гола, по што за него се појавија навистина импресивни податоци на кои многумина можат да позавидат.

Србинот со гол во 28. минута успеа седма сезона по ред да ја затресе противничката мрежа во Серија А, а белграѓанинот има само 24 години.

Уште една информација е особено импресивна. Српскиот репрезентативец е играчот кој постигнал два или повеќе гола на најмногу натпревари во Серија А во последните шест сезони.

Средбата против Верона беше 18-та за Влаховиќ, во која најмалку двапати ја затресе противничката мрежа. Зад него се Лаутаро Мартинез (17) и Чиро Имобиле (16).

Инаку, Србинот го постигна својот втор гол на натпреварот од пенал во 53. минута, а се чини дека ја допре топката и за вториот гол на Старата дама, но голот му беше припишан на Савона.

По двете воведни кола од новата сезона, Јувентус изгледа одлично и разиграно, а навивачите можат да бидат задоволни од она што досега го прави Тиаго Мота.