Јувентус по повеќе од еден месец се израдува на победа во Серија А (ВИДЕО)

Екипата на Јувентус ја прекина низата на нерешени резултати во италијанската Серија А каде стигна до прва победа по пауза од повеќе од еден месец или поточно од 9 ноември кога го доби градскиот ривал Торино со 2-0.

Избраниците на Мота триумфираа на гостувањето кај Монца со 2-1 за 7. славје во 17 лигашки натпревар. Сити најважни моменти на соочувањето на „Бриантео“ се случија во првиот дел и тоа во периодот од 14 до 39 минута.

Резултатот беше отворен од страна на американскиот репрезентативец МекКени, меѓутоа осум минути подоцна домаќините го возвратија ударот преку Бириндели. Меѓутоа во завршницата на првиот дел „старата дама“ одново се стекна се предноста откако на вистинското место се најде Нико Гонзалес.

До крајот на првиот дел, а воедно и на натпреварот немаше промени. Монца останува закована на дното, Јувентус со 31 бод е на шестата позиција на табелата.