Поврзете се со нас

Италија

Јувентус одбил понуда од Манчестер Јунајтед во финишот на преодниот рок

Објавено

на

Фото:twitter.com/juventusfc

Европските клубови со различно темпо ги одработија последните денови од зимскиот преоден рок, а додека Јувентус реши да му дозволи на Николо Фаџоли да се пресели во Фиорентина, ја одбил можноста да се раздели со уште еден играч од средниот ред.

„Тутоспорт“ тврди дека Јувентус веќе имал договор со италијанскиот ривал за првичниот заем на Фаџоли, кога добил и предлог да го позајми Даглас Луиз во редовите на Манчестер Јунајтед.

Премиерлигашот се обидел со Бразилецот да го освежи својот среден ред, но Јувентус не сакал да прифати дополнително ослабување на оваа позиција и брза разделба со Луиз кој ја игра првата сезона во Торино.

За Луиз претходно се интересираше и Манчестер Сити, но сега е јасно дека до крајот на сезоната нема да ги напушти „бјанконерите“ и ќе се обиде да го поправи впечатокот од првиот дел од сезоната.

Во меѓувреме, Фаџоли оди на заем во Фиренца, но „виолетовите“ имаат обврска да го откупат неговиот договор по исполнување на одредени услови или пак да го направат тоа по сопствен избор во наредниот период.

Advertisement
Advertisement

Италија

Advertisement

Популарни