Јувентус му посака добредојде на засилувањето од Милан (Видео)

Пјел Калулу беше доста неодлучен за преминот во Јувентус, но на крајот реши да ја прифати понудата на клубот од Торино и во наредните неколку часа ќе се претвори во ново летно засилување за Тиаго Мота.

Французинот пристигнува во Торино од редовите на Милан и прави директен трансфер во ривалски клуб, нешто што сепак не е невообичаено во италијанскиот фудбал за разлика од некои други елитни лиги во Европа.

Операцијата е составена од два дела и Калулу првично ќе игра во Јувентус како позајмен фудбалер, но „старата дама“ ќе има опција да го откупи на крајот на оваа сезона.

Јуве ќе плати 3,5 милиони евра за почетната позајмица, а потоа за перманентниот трансфер се предвидени околу 17 милиони евра.

Трансферот на Калулу во Торино беше најавен уште завчера, но Јувентус ова утро самиот се пофали со пристигнувањето на Французинот во просториите на клубот.

Buongiorno ⚪️⚫️ dal J|Medical 🚗👋🏻 pic.twitter.com/jk2BFKvw9S

— JuventusFC (@juventusfc) August 21, 2024