Јувентус излезе со прва информација за повредата на Мирети

Повредата на Фабио Мирети беше најзагрижувачки момент за Јувентус и тренерот Макс Алегри во вчерашната победа над Салернитана, а денеска фудбалерот бил на детални прегледи.

Мирети заработи повреди на зглобот на левата нога уште во првиот дел и со сериозни болки беше изнесен од теренот, што предизвика стравување дека го очекува подолга пауза.

Прегледите во медицинскиот центар на Јувентус покажале дека Мирети поминал без скршеница, што секако беше и најлошото сценарио.

Начинот на кој Мирети го напуштил J-Медикал центарот потврдува дека младиот фудбалер на Јуве не минал без последици и сега го очекува рехабилитација.

Јувентус засега не дава прогноза колку ќе отсуствува фудбалерот, но се чини дека Алегри нема да може да смета на Мирети најмалку 2-3 недели.

Controlli al J Medical per #Miretti // Miretti is at the J Medical for checks after his injury against Salernitana ⛔️🇮🇹@GoalItalia pic.twitter.com/OYGUDomkV6

— Romeo Agresti (@romeoagresti) February 8, 2023