Јувентус и Астон Вила со сигурни победи ја отворија ЛШ (ВИДЕО)

Јувентус и Астон Вила ја потврдија улогата на фаворити и издвојуваа победи над ПСВ и Јанг Бојс во првите два натпревари од групната фаза на Лигата на шампионите.

„Старата дама“ ги остави двата лоши натпревари во домашното првенство против Рома и Емполи каде не постигна ниту еден гол и со сигурни 3-1 славеше над клубот од Ајндховен.

Избраниците на Мота во периодот од 21 до 27 минута постигнаа два брзи гола преку Јилдиз и МекКени за водство од 2-0, а пак на почетокот на вториот дел летното засилување Гонзалес зголеми на 3-0.

Гостите постигнаа почесен погодок во судиското продолжение.

Астон Вила пак полесно од очекувањата се справи со Јанг Бојс во Берн. Тилеманс, Рамзи и Онана стрелаа за 3-0 во средба во која на Вила и беа поништени уште два гола.