Јувентус го продолжи договорот со својот најважен дефанзивец

Раководството на Јувентус летово се обидува да продаде речиси цел тим предводен од играчи како Киеза, Милик и Шчесни, но во меѓувреме успева да реализира дел од останатите приоретите.

Покрај засилувањата за тимот на Тиаго Мота, денеска е потврдено и дефинитивното останување на Гилсон Бремер, дефанзивецот за кого беа заинтересирани повеќе премиерлигаши, расположени да ја платат и откупната клаузула од 60 милиони евра.

Сепак, Јуве го убедил Бразилецот да потпише продолжување на договорот до 2029 година, со што фудбалерот сигурно добил подобри финансиски услови, а клубот ќе биде позаштитен пред нападите на побогатите клубови следното лето.

Иако не е потврдено, се претпоставува дека откупната клаузула во договорот на Бремер ќе биде многу повисока, па во случај на евентуален трансфер, ќе се прашува и Јувентус и неговата желба да се откаже од дефанзивецот.

Бремер зад себе има две сезони во редовите на „бјанконерите“, каде дојде од градскиот ривал Торино и стана незаменлив дел од одбраната на Јувентус.

 

View this post on Instagram

 

A post shared by Bremer (@bremer)