Јувентус го отвори новото коло со победа над Специја (Видео)

Јувентус чекаше долго да постигне гол и да го отвори резултатот против Специја, но на крајот стигна до убедлива победа со резултат 3:0.

Домаќините влегоа на средбата со десеткуван состав, а на загревањето останаа и без Де Лихт, па Фработа беше принудна алтернатива во тимот на Андреа Пирло.

Во првото полувреме Јувентус не реализираше, најблиску беше во финишот кога Роналдо погоди дирек, но Специја издржа до 62. минута.

Пирло ги уфрли Бернардески и Мората и една минута подоцна првиот асистираше, а вториот рутински погоди за предност која мораше да биде потврдена со ВАР по неколку минути анализа дали имало офсајд.

Девет минути подоцна, Бернардески забележа и втора асистенција, а овој пат реализатор беше Киеза, кој ја најави победата на фаворитот.

Точка на средбата Јувентус стави по една контра во која Бентанкур го проигра Роналдо, а овој без проблеми ги постави конечните 3:0.

Специја во последната минута од продолжението доби шанса да намали од пенал, но резервистот Галабинов шутираше слабо и Шчесни успеа да спречи гол на гостинскиот тим.

Јувентус стигна до 49 бодови и задржување на третото место на табелата, додека Специја останув на 25 бодови и во долниот дел на табелата.