Јувентус го договорил најдобриот фудбалер на Фиорентина

Јувентус работи на повеќе трансфер зделки, а како што стојат работите една е на добар пат да се затвори.

„Газета Дели Спорт“ и „Кориере Дело Спорт“ пренесуваат дека Јуве успеал да постигне договор со Фиорентина за услугите на Нико Гонзалес.

Аргентинецот е најдобар фудбалер на „виолетовите“, меѓутоа тие се подготвени да се ослободат за него за сума од 30 милиони евра. „Старата дама“ е подготвена да потроши толку пари за да го добие офанзиевцот, поточно клубовите се подале рака со тоа што официјално зелено светло ќе се најде кога Фиорентина ќе најде замена.

Тие сакаат да го обезбедат Алберт Гудмунсон од Џенова пред да го пуштат Нико во Торино.

Според овие два извори не е исклучена можност и за друга соработка на калчолигашите за играчи како МекКени, Артур или Филип Костиќ.