Јуриќ пред отказ: Верона со молскавична контра ја нокаутираше Рома на „Бентегоди“ (Видео)

Иван Јуриќ во минатото ја водеше Верона и оствари успешни резултати, но сега токму овој тим може да му пресуди за отказно решение во редовите на Рома.

Хрватскиот стручњак дефинитивно се наоѓа пред отказ по денешниот разочарувачки резултат за „волчицата“, која иако двапати се враќаше во игра на „Бентегоди“, на крајот прими и трет гол кој беше дефинитивен.

Домашниот тим двапати водеше со головите на Тенгстет и Мањани, но Рома двапати се враќаше преку Зуле и Довбик и се чинеше дека е тимот кој ги напаѓа трите бода во последните 30 минути.

Рома фрли се на една карта во потрага по трет гол, но наместо тоа, видовме една молскавична контра на домаќините која заврши со гол во мрежата на Свилар.

Ливраменто го претрча Ндика и асистираше до Абду Харуи, кој пак мирно стрелаше во 88-та минута и ги постави конечните 3:2.

Головите погледнете ги ТУКА