Јуриќ: Има негативност околу Рома, мора да имаме…

Составот на Рома не успеа да слави над Ројал Унион Сан Жилоас во рамките на четвртото коло во Лига Европа.

Калчолигашот прв дојде до резултатска предност во второто полувреме, позитива која траеше 15 минути кога домаќините реализираа за конечни 1-1. Со ова „волчицата“ останува само на еден остварен триумф во натпреварувањето и е во долниот дел на табелата со само пет освоени бодови.

Тренерот Иван Јуриќ смета дека имало позитивни и негативни работи со тоа што овие вторите се поприсутни и прават проблеми на екипата.

-Имаше некои позитивни и други негативни аспекти кои не ми се допаднаа. Резултатот е негативен, добро е што освоивме бод, но не можеме да бидеме задоволни со тоа.

-Не знам што да ви кажам, правиме грешки. Тоа може да биде психолошки проблем. Разочарувачки е, бидејќи момците даваат се од себе, но не ги добиваат резултатите што ги заслужуваат. Не беше многу остар настап, правиме скапи индивидуални грешки. Ова е фудбал. Изгледа дека не можеме да бидеме доволно тешки за да победиме кога не играме најдобро. Имаше неколку многу позитивни моменти во формата каде што не ги добивме резултатите што навистина можеа да нè придвижат напред. Сега околу нас има чувство на негативност. Мора да имаме ментална сила за да излеземе од оваа ситуација, -порача Јуриќ.