Јуриќ има кошмарен старт во Англија: Фрустрирана е дури и мојата сопруга

Иван Јуриќ пристигна со голем оптимизам и цел да го спасува Саутемптон од испаѓање во Премиер лигата, но првите три натпревари како менаџер на „светците“ му послужија како една добра увертира за „добредојде“ во Премиер лигата.

Хрватскиот стручњак забележа три порази на исто толку натпревари, но оној вчера од Брентфорд на домашен терен беше посебно болен за него, но и за фановите.

Саутемптон беше декласиран со 0:5 и уште толку се закова за дното на табелата, а фактот што загуби од тим кој до вчера немаше победа на гостински терен, доволно говори дека „светците“ изгледаат како тим кој немаат решение за било кој ривал.

– Не постојат вистински зборови после ваков натпревар. Сите сме фрустрирани, започнувајќи од мене, потоа играчите, а на крајот и мојата сопруга.

– Дури и мојата сопруга е загрижена од оставената слика на теренот. На играчите треба да им биде јасно дека не можат да мислат само на себе, мора да мислат и на сликата која ја оставаат за клубот, – изјави Јуриќ.