Јунајтед со „минималец“ против Лутон, Арсенал го победи Барнли (Видео)

Манчестер Јунајтед имаше императив да освои три бода и да се врати на победничките патеки на денешниот натпревар против Лутон, па иако не брилјираше, на крајот успеа да го направи тоа.

Тимот на Ерик Тен Хаг одново не брилјираше и долго се мачеше со повратникот во елитата, па во ситуација кога напаѓачите нависитна не се во посакувана форма, единствениот гол го постигна стопер.

Линделоф се најде на вистинско место во вистинско време по една мешаница во шеснаесетникот на Лутон, и неговиот гол во 59-та минута се покажа како клучен за минимална победа од 1:0.

На натпреварот во Северен Лондон, Арсенал исто така наиде на отпор од Барнли и прими гол за 1:1, но до крајот на мечот успеа да постигне уште два и славеше со 3:1.

Тросар погоди за 1:0 пред крајот на првиот дел, гостите се вратија во игра преку Браунхил, но Арсенал ги освои трите бода благодарение на Салиба и Зинченко.