Поврзете се со нас

Англија

Јунајтед прими четири гола на првиот тест во Шпанија, Тен Хаг се налути: Ова е неприфатливо (Видео)

Објавено

на

Ерик Тен Хаг не може да смета на најголемите ѕвезди на турнејата која ја има првиот тим во Шпанија, но сепак сигурно не се надеваше дека Манчестер Јунајтед ќе прими четири гола на првиот тест против Кадиз.

Шпанскиот прволигаш оствари победа со 4:2 на натпреварот на кој холандскиот стручњак извади два тима на теренот, а оној стартниот беше доста добар со играчи како Линделоф, Ван Бисака, Вилијамс, МекТоминеј, Ван де Бек, Еланга, Гарначо и Марсијал.

Тен Хаг посебно ги критикуваше токму фудбалерите кои излегоа на теренот во почетните 11, оценувајќи го неговиот пристап во почетните 15 минути како неприфатлив.

– Многу е јасно тоа што го видовме. Не бевме будни и спиевме во првите 15 минути. Се подготвивме и знаевме како ќе играат, но ние спиевме во одбрана. Ова е неприфатливо за мене, едноставно не е стандардот кој треба да го има Манчестер Јунајтед. Лоша организација и лоша дисциплина, – изјави Тен Хаг, кој во вториот дел им даде шанса на младинците.

– Задоволен сум од децата, тие внесоа енергија. Трчаа, се бореа…. Можеби немаа правилна органзиација и правеа грешки, но покажаа желба и страст. Јасно е дека не се навикнати да играат на ова ниво, – изјави Тен Хаг.

Реклама
Реклама
Реклама

Популарни