Јунајтед преговара за продажба на Санчо, но потврди и изненадувачки трансфер на четири часа пред полноќ (Фото)

Манчестер Јунајтед интензивно преговара за продажба на Џејдон Санчо во самата завршница на летниот преоден рок, но напоредно потврди и еден изненадувачки трансфер кој никој не го очекуваше.

Во моменти кога сите очекуваат официјална повтрда на Мануел Угарте од ПСЖ, клубот излезе со соопштение кое никој не го очекуваше, а кое е поврзано за талентиран фудбалер кој доаѓа од Мали.

Манчестер Јунајтед во својата вест вели дека е ангажиран возбудлив млад талент во името на Секу Коне, фудбалер кој има 18 години и за кој „ѓаволите“ платиле околу 1 милион фунти.

Коне наполнил 18 години во февруари и од тој момент има дозвола да направи трансфер од својата матична земја, а Јунајтед го носи во своите редови од клубот Гуидарс.

Јунајтед во официјалното соопштение вели дека Коне првично ќе тренира со младинскиот тим, но планот е да добие шанса и во составот на Ерик Тен Хаг.

We're proud to announce the signing of exciting midfielder, Sekou Kone! 🇲🇱🔴#MUFC

— Manchester United (@ManUtd) August 30, 2024